الحكومة وزاير خليف
زاير خليف رجال فقير بالضيم حاله عايش هو ومرته وست اطفال بغرفه وحده يوم من الايام طگت روحه من هالعيشه وگعد يفكر شنو الحل ؟گال ماكو غير اروح لجبيرنا هو يشوفلي حل
راح للشيخ وكعد گباله وگله محفوظ انه عيشتي گشره وماشابع نوم الجهال الليل كله تتباجى ينام واحد يگعد واحد شنو الحل ؟
صفن الشيخ وگله روح اشتري مطي وخليه وياكم بالغرفه
هذا هم ماگال باطل راح اشترى مطي بالدين وخلاه وياهم بالغرفه
اخذله يومين ورجع للشيخ كله
محفوظ انوب زاد الضيم عليه فوك ماجهالي شالعين كلبي المطي الليل كله ينهك وماكو نوم
كله الشيخ مالها غير تروح للسوك تشتري طلي وتجيبه تحطه وياكم
زاير خليف هم ماكال باطل راح للسوك واشتراله طلي وحطه وياهم بالغرفه
بس عود شبع كسافه ورجع مره ثالثه للشيخ كله اشسويت بيه بعد مااتحمل الشيخ صفن عليه وكله روح اشتريلك دجاجه هي وفروخها وحطها وياكم بالغرفه
صاحبنه هم ماكال باطل جابله دجاجه وكتاكيتها وحطها وياهم بالغرفه ..بس حاله صار يصعب على الكافر
رجع للشيخ گله بعد كلش مااتحمل ..صفن الشيخ گله روح بيع المطي وارجعلي بعد يومين
خليف هم راح باع المطي وبعد يومين رجع للشيخ سأله الشيخ
هاا هسه شلونك ؟
گله والله شويه احسن ..گله الشيخ اليوم روح بيع الطلي وارجعلي بعد يومين ..هم زاير خليف اخذ الطلي وباعه ورجع للشيخ ساله
شلون صرت ؟زاير خليف كله والله بنعمه توني يالله شفت باب الله وارتاحيت ..الشيخ كله اليوم روح بيع الدجاجه وفروخها ارجعلي بعد يومين ..رجع زاير خليف بعد يومين وركض على ايد الشيخ يبوسها
رحمه الله والديك شيخنه من الله ومنك ارتاحيت توني شفت باب الله
هسه شاهدنه على حكومتنه من طلعت الناس مظاهرات حتى يتحسن وضعها اشو حاربو الناس بعيشتها وارتفعت الاسعار بشكل مو طبيعي حتى البيضات صارن ثلاثه بالف
موضوع: قصة الحكومة وحجي زاير خليف 
الإثنين أكتوبر 19, 2015 12:03 am