السيد عبد الحسين الشرع

من هجمت خيول العدى + ولحدود المخيم دنت
طلعت من الخيمه تعدي + زينب وعلتل اوكفت
شبجت العشرة من الخطر + ولصوب اخوهه توجهت
صاحت يبو اليمه عدل + يو روحك الطيبه اظهرت

ان جانك حي انتهض + واسرع تره سكينه انولت
والخيل هجمت علخيم + والنار بيه اتوجرت
وخواتك ابين العدى + تعدي ويزرهه تسلبت
لحك عليهن يا شهم + منه الخدور اتهتكت

صاحت يبو اليمه عدل + يو روحك الطيبه اظهرت

لمن سمعه ابن الفحل + بيه الحميه اتفزعت
كام وعلى وجهه وكع + ودموع عينه اتهاملت
صاح شعلمكم يلعرب + عنكم شيمكم كوضت

صاحت يبو اليمه عدل + يو روحك الطيبه اظهرت

حيدر العذاري الحسيني

يا ويلي لمن سمعته + جلوف ال اميه اتراكضت
كامت تضربه بالصخر + منه الضماير زنجرت
والخيل اجته بكل عزم + فوكه الحوافر رافست

صاحت يبو اليمه عدل + يو روحك الطيبه اظهرت

ماسلم منعنده كتر + وعظامه كله تكسرت
بالسهم وبحر الظمه + الانفاس منه اتكطعت
وزينب تشاهد هلوضع + للجيب شكت والطمت

صاحت يبو اليمه عدل + يو روحك الطيبه اظهرت

ياويلي من جاه الشمر + بيده المنيه كربت
سل سيفه وبحد الصدر + منه القواطع نوخت
حز ركبته وزينب تصد + دارة وجهه اولولت

صاحت يبو اليمه عدل + يو روحك الطيبه اظهرت